यो रे पुता यो
यो रे पुता यो
ह्या घराचे बरगेल्यात वांशे
सुलच्या नळ्यांचें देंवलां पाखें
घराचें राखूंक घरपण यो रे पुता यो
ह्या कानाप्याचेर उशांत तुज्या सदां म्हजी मांडी
आयकतालो राजा-भुता-खेतांची काणी
जाग्यावयल्याक सूर-रोंट दिवंक यो रे पुता यो
त्या निमतान तुका पळयतां तूं यो रे पुता यो
ह्या आंगणांत रंगतालो कोयणे बालां खेळ
माड-माडयांनी खेळटालो आको-माको तेल
तुळशीची पणटी पेटोवंक यो रे पुता यो
त्या निमतान तुका पळयतां यो रे पुता यो
दारादारांत रंगतलो आतां शिगम्या खेळ
धोल ताशे वाजतले येतलो रोमटां मेळ
शिगम्या तळी दिवंक यो रे पुता यो
त्या निमतान तुका पळयतां तूं यो रे पुता यो
कुलदैवत तुजें सांतेरी, त्या सांतेरीची जात्रा
जात्रेक घेवन यो रे म्हज्या अपुरबाये नातरां
कुलदेवतेचो कौल घेवंक यो रे पुता यो
त्या निमतान तुका पळयतां तूं यो रे पुता यो
लामणदिवो पेटयतां देवाक गर्भकुडीं
प्रसादाक मागतां रे तुका उजवी कळी
मूळ पुरसाक पेटोवंक वात तूं यो रे पुता यो
त्या निमतान तुका पळयतां यो रे पुता यो
पयस सादयतां फांत्या पारार सर्गलोकी कोंबो
जीव तरासता तुज्या हातचो पिवंक उदका थेंबो
वतना म्हाका खांद दिवंक यो रे पुता यो
त्या निमतान तुका पळयतां तूं यो रे पुता यो
Blogger's Profile
नयना आडारकार
नयना आडारकार कविता, कथा, निबंद, बालसाहित्य अशे विवीध साहित्य प्रकार हाताळटा. आतां मेरेन ‘प्रतिमा’ आनी ‘मनसांवर’ हे दोन कवितासंग्रह, बारा बालसाहित्याचीं पुस्तकां, एक निबंद संग्रह आनी एक कथा संग्रह प्रकाशीत. ‘मनसांवर’ ह्या कविता संग्राहाचो हिंदीन अणकार जाला. तांणी स्वताय विष्णू प्रभाकराच्या ‘सुनो कहानी’ ह्या बालकाणयांच्या पुस्तकाचो कोंकणी अणकार केला.
Hi
I strongly feel Konkani is dialect of marathi . In Goa Marathi/konkani should be given equal status. When portuguse were here there was only Marathi schools and no konkani school. so konkani culture is preserved because of marathi. secondly those who insists for konaki sends there children to english so what is the use of fighting for english. thirdly till date these konkani writers haven written single good drama like one written by vasant kanetkar, vi va shirwadkar,pu la deshpandey , rangnekar and so on. i dont think within this small tiny place we will get good literacture to read like Marathi.