रमेश वेळुस्कार

रमेश भगवंत वेळुस्कार. १९६८ सावन कोंकणी कवी म्हूण आपली कारकीर्द सुरु केल्ल्लो आनी आपल्या गद्यानूय कोंकणी वाचकांक प्रभावीत केल्लो कोंकणी लेखक. कविते वांगडाच वर्तमान पत्रांतल्यान सामाजीक प्रस्नांक वाचा फोडटा आनी वाचकांक चिंतनशील करपाचो यत्न करता. साहित्य समिक्षे वांगडा भास, संत तुकाराम, टागोर, रिल्क, श्री अरविंद, भारातेंदु हरिश्चंद्र, धर्मवीर भारती सारक्या विश्व नमनीय सृजन कर्त्यांच्यो कलाकृती अणकार करून कोंकणींत हाडल्यात. बाल साहित्याची निर्मितीय तांचें खाशेलपण. १९ व्या अखिल भारतीय कोंकणी साहित्य संमेलानाचें अध्यक्षपद. ‘सावुलगोरी’ ह्या कविता संग्रहा खातीर साहित्य आकादेमीच्या राष्ट्रीय पुरस्कारान विभूषित. शिवाय कला अकादेमी गोवा, गोवा कोंकणी जीवन गौरव साहित्य पुरस्कार अशा अनेक पुरस्कारांनी तांचो गौरव केला.